يمكن لو أني غلطت أتقبــــــــــــل وأخسر اخر وداعيه للمنتدى

يمكن لو أني غلطت أتقبــــــــــــل وأخسر


ماتهيا لي شفق وقت الغروب
يحجبه عن ناظري كومة سحاب

كن حزن الأرض ساعتها يذوب
وكن وجه الكون كاسيه اكتئاب

آه ياوحش الأماكن والدروب
آه ياشين المحبة والغياب

جعلها كفارة لكثر الذنوب
جعلها عزة وجنة مع ثواب

يوم ربي رازق ٍ بعض القلوب
عطف زايد ماجلب غير العذاب !


حتى لو أن الظرف بالحيل قاسي
___ولو حال دون احلامي المستحيلات

وانا الفريد في زمان التفاهات
لامن حضرت فالمكان الأساسي

ـيكون لي ولباقي الناس خانات
عندي سياسة يستميت السياسي

ماقد قراها بالخطب والمجلات
وعندي توثب للمكان الرياسي

مكان سيد من عيال السيادات
حنا شربنا في ربى العز كاسي
وحنا شرفنا فوق عالي النبوات


كرامتي كثرة بلـــــــــــــيا قياسي
ماتبدل العزة بصفر الريالات

مشي ن على درب الصعيبات راسي
ماتعرقله كثر الحفر والمطبات

ونفسي لتحصيل الجمالة تقاسي
ولاتبالي في سبيل الجمالات



أنا مااملك من الزاد الكثير , بدربي الحالك
ولانفسي بوحشتها تنازل عن مباديها

ولاتغنيني الشمعة ومشعل نورها , هالك
إذا ماشعشعت بأنوارها / وش عازتي فيها ؟

من الماضي القريب ومركبي بالحيل متهالك
لقت نفسي غرامك ياغرام وصرت شآطيها

شربنا من معينك فكر ,, تسامرنا على أظلالك
تخالفنا عقـــــــول ونحترمها ما نعاديها !!

نزفت حروفي الخجلى , أبعثرها على جالك
أشاركها مع أخوان نقدر ونغليها

تباعدني الظروف القاسية ..لا أمسّك حبالك
وشمعة خآفقي ذابت ولا نور ٍ بقى فيها


اللي بقى لي قلم,, وحروف,,, مع دفتر
أخشى عليها تضــــــيع وافقد انـــــــــــفاسي

وسجادة ٍ في فضاها انتــــــــــــحب وأسهر
سليت فـــــيها عن ربوعــــــــــــي وجلاسي
يمرني شـــــــهر أو شهرين ما أظـــــــــــهر

مافي ّ قســــــوة ولكن الزمن قــــــــــــــاسي
ماعاد لي شي ,,ضاع الحلم !!|ما أقدر |

صعبة اعود وأرفـــــــــــــــــــــع للملا راسي
يمكن لو أني غلطت أتقبــــــــــــل وأخسر !

لكن مصـــــــــيبة أناضل وأكسب أفلاسي



عشق ابدووي