عيونـك دخيلـك والله انـك تفتنـيـن

سولفـي ولا تطالعينـي .. سولفـي كلـي أذان

ابعـدي عيونـك دخيلـك والله انـك تفتنـيـن

في عيونك شي مـدري هـو سحـر ولاّ بيـان

شـي يخلينـي أصـدّق كـل كلمـة تنطقـيـن

شـي يخلينـي أسافر..أنسـى نفسـي والمكـان

شي يوديني بعيـد وشـي يرجّـع لـي الحنيـن

شي يرجعني مغامر..جامحن مثـل الحصـان

عاشقن للعب .. وانتي مهرتن به تلعبيـن

مهرتن يا صعب عسفك..وياصعب عسف العنفوان

متعبن للقلـب وانتي..انتـي شكلـك تتعبيـن

كبريـاءك أتعبـك يمنعـك تسلـيـم العـنـان

كم تبين القـرب.. لا قلتـي ..ولا كنّـك تبيـن

شي شفته في عيونك .. نظـرة العاشـق تبـان

حطي عينك في عيوني صعبـه انـك تنكريـن

صعب تمحين المحبة صعـب تخفيـن الحنـان

ولو بغيتي تخففـي مـن لهفتـك مـا تقدريـن

يـا عنـادك.. لـو تخليـن المعانـد للـمـدان

كان زان الوقت جنبك والزمـن جنبـك يزيـن

يا جمالك..لعنبو منهـو عـرف مثلـك وخـان

وش حلاتـك ..تاخذيـن العقـل والله تاخذيـن

شبّهـوك بفاتنـات الكـون وانتـي فـي أمـان

شبّهوك ب(سانـدرا) ويـا سانـدرا لا تفرحيـن

وآه لو تـدري (برتنـي) كـان أبـدت امتنـان

وقالـو إنـك (سابرينـا) رغـم إنـك تفرقيـن

زايـدة انتـي عليهـن بالحـلا والفـرق بـان
كيف وانتي من بـلادي.. يـا بـلادي تسلميـن

يوم شفتك .. طحت واقف.. بعد حظي اللي زمان

جيتي وغيرتـي حـظن مـا تغيـره السنيـن

قلبي اللـي مـن قساتـه يشتكـون الغيـد..لان

بس..لا تطرين شكراً..قلبـي اللـي لـك مديـن

ما دريتي يوم شافك كيف صـار وكيـف كـان

ليتني اوفيك بـس المـوت فـي قصـر اليديـن

وانتي ما تشرين عطرك الاّ من اسـواق (كـان)

تاخذيـن اللـي تبيـن وتشتريـن وتسرفـيـن

ما بقى لـي غيـر قلبـي لـك بطاقـة ائتمـان

لَحَدّك الوقت انتخي به واسمعينـي بـس زيـن

لو رحلـت وكنـت احبـك لا تضنينـي جبـان

ولا تقولـي شاعـرن ماعنـده الاّ كلمتـيـن

والله اني فارسن لا حان وقت الجـد.. حـان
عزتـي هـي راس مالـي لا أذل ولا الـيـن

وانتي دونك الف راس وباس ورجالن متـان

من عمامن طيبين ومـن خـوالن جيديـن

يحشمون اهل الحشيمة.. عرضهم دايـم مصـان

لـو يجونـك يسألونـك .. حاولـي تتهربـيـن

وانسي اني قلت احبـك فـي سبيـل الاحتقـان

عشق ابـــــدوووي

[color=red]دائما يعجزني الرد على طروحاتك الرائعه
ربي يعطيك الف عافيه
طرح راقي وجميل
دمت ودام نبض قلبك
ودي ووردي
تحياتي عشق

ليااان

الطرح الاكثر جمال من كل الحروف وجودك

والجميل في حروفي مايزداد الا بجمال حروووفك

تقبلي فائق الفخر مني لك بوجود

عشق

رائع واتمنى منك المزيد

الله يعطيك العافية على هذا الطرح الاكثر من رائع
دائماً مبدع في اختيارك .. ورائع في كلماتك
احساسك جميل .. وتعبيرك موفق
دمت لنا بهذا التميز كما تعودنا ان نشوفك
لا تحرمنا من روائع جديدك
ننتظرهـ بكل شووق

تقبل مروري المتواضع
دمت بـود ,,,

» والله أحبــــــــــه . .
» ظلمتيني والله قوي يجاريكـ
» والله محد يقوم من محلة
» والله طفش قوموا نطلع مشوااار ..>> مع السوآق طبعـاً ..!
» تعال شوفوا شيقـــــــــول مهنـــــد عن العربيات والله بتنصدم