في ليلة عمر تعاهدنا ,, نكون مثل قرب الروح للجسد منها ,, عشنا الايام بحلاوتها ومرها ,, عشناها ومافكرنا في نهايتنا ,, كتبنا وكتبنا وكان الحب عنوان لكل خواطرنا ,, حاولنا نكتب عن الزعل مرة ,, وتفاجئنا في نهاية كتابتنا ,, ختمناها بكلام الحب وألوانه
نصحى على كلام الحب ,, وبداية يوم كلها حب ,, نزعل ونتراضى ,, وهالشي يزيد الحب ,, تصدقي حتى وانا زعلان ,, مايطيب خاطري بدون ماامسي على اغلى الاحباب
كل يوم مر له ذكرى ,, كل ساعة لها كلمة ,, كل لحظة لها همسة ,, تصدقي حتى وان تقبالنا وتجي لحظات السكوت نلاقي القلوب تتغزل في بعضها.
مو بيدينا هالحب انزرع فينا ,, ولابيدينا اختيار قدرنا ,, حتى مع طاري الفراق نتذكر كلمة الحب وننسى اللي فات ,,
اختلفنا وتبعادنا ونرجع نختلف ونتباعد ,, لكن كلمة الحب اللي تجمعنا تنسينا كل مشاكلنا ,,
انتظرتك لين ماشيب الراس ,, حتى صوتك صار عندي ادمان ,, تدري لو غاب صوتك ثواني ,, تكتئب نفسي واكره زماني
قلتي لي له احس ان بمشاعرك البرود ,, حتى لهفتك لي صارت بحدود ,, وين حبك يابعد هالكون كله ,, وين شوقك ياعشقي وغرامي ,, ليه احس انك بقلب ثاني ,, حتى في غيابي عودتني على قربك ,, والحين صرت تعذبني بغيابك
دمعت عيني ثواني ,, وقلت انا على العهد باقي ,, بس بعادك عني خلاني في حالة انعاش ,, اخاف ارجع واقترب وماالاقي الا جفاك ,, وقتها القلب بيختفي نبضه ,, والروح بترجع للي خلقها
وبترجعي لنفس المكان ,, وبتذكرين انسان حبك من زمان ,, وبتدمع عيونك شوية ,, وقلبك بيتذكر حبيبه ,, وبتنتهي الحكاية بابتسامة بسيطة ,, وبتقولي الله يرحم هالحب اللي كان.
الإثنين يوليو 01, 2019 5:21 pm من طرف alareeman
موضوع: همــوم 4 انســان 
