انا سميتك الدنيا وانت وش تسميني ؟؟

فديتك ياهوى نفسي مع الشدات خاويني
فديتك لاقسى وقتي علي وناحت أشجاني

أبيك في لحظة الفزعه تحط يديك بيديني
وأبيك لي شكيت الياس تكون بساحة أوطاني

أبيك البلسم لجرحي وأبيك النوم في عيني
وأبيك اللي ليا مني صحيت ألقاه بأحضاني

طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني

سألتك بالله الواااالي سألتك لاتجافيني
لأني أمووووت بغيابك ياروحي وجثماني

معي واصل مشاويرك أواسيك وتواسيني
معي إبقى مثل ظلي حذااااري لاتعداني

أبي منك الوعد إنك على غيري تبديني
وأنا هذا وعد مني ماأبيعك وأشري الثاني

وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني

أبكتب داخل الإعلان إلى من صار يغليني
إلى قلبي إلى عمري إلى من صار يهواني

إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني

وأبكتب داخل الإعلان وصيه كان شاريني
معي بالطيب عاملني ولاتجرح بهجراني

ومهما تقسى الدنيا علينا لاتعاديني
ولاتسعى أبد في يوم في عندي وعصياني

أبيك دكتور لآلامي من أحزاني تداويني
وأبي لاكفت أبصاري تكون النور لأعياني

وأبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني

وبعد ماأكون في قبري تذكرني وتبكيني
وأكون حزن على بالك ماتغفل وتنساني

أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني

وتجاوبهم إني حي وبالأضلاع تخفيني
وإني سلوة الخاطر معك لاصرت وحداني

أبيك تقول هو ما مات أحاكيه ويحاكيني
أبيك تقول هو موجود وخبيته بوجداني

أبيك تقول هو دمي اللي في شراييني
لأنك دمي اللي كان يضخه عرق شرياني

وأبي لا زادت جراحك تخيلني وتناديني
وتفتش داخل شعورك وتهمسلي وتلقاني

وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني

ترى لو للقصيد عيووون والله ماتقديني
لأني للقصيد عيون وإسمك رمز ديواني

وترى لو للحروف أهداب تعجز لاتغطيني
لأني للحروف أحيا ووحيك سر لإذعاني

تداركت الزمن يمك الا ياليت يمديني
أخاف أجيك متأخر وسيف الوقت ياطاني

نسيت من أجلك الصادق اللي الروح يعطيني
ونسيت الأول والآخر والقاصي مع الداني

وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني

كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني

كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني

تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني

ودنيا" مابها حسك ماأبيها وعمرنا فاني
أنا سميتك الدنيا وأنته وش تسميني؟

احساس

مبدعه

متميزه

دوما انتي متالقه

وبأرقي الكلمات محلقه

وبأجمل المشاعر متباهيه

جهد تشكري عليها

تقبلي مروري واحترامي

سلمت يمناك غاليتي

كلمات في قمة الجمال

دمتي متميزه وتألقه دوما

تقبلي مروري

كم هو جميل احساسك العذب

وتلك المشاعر الصادقه

هنا اسجل اعجابي بكل حرف من حروفكــــــــــ

تقبلي ودي وورد

دموووع

تسلم انمالك على ما خطت

بصراحه ابداااع

بنتظار جديدك

محبكم /سكوووو

حبايب قلبي نورتوا

أحرجتوني مررررره بمدحكم

ربي مايحرمني من تواصلكم يالغلا

تميزي وتألقي يستمر بتواجدكم

دمتم بود

احساس الورد

احساس الورد

جميل ورااااااائع ما كتبت يمينك

دمتي لكل جديد وجميل

ننتظر جديدك داااائما

ربي مايحرمني من تواجدك ياقلبي

نورتي

دمتي بود

احساس الورد

» احبك وانت ما تدري ؟؟
» ابيك تكون بروحك وانت تقرا هالرساله
» دع الدنيا تبكي من ابتسامتك
» ياعمري الدنيا ماتسوى
» ابتســم الدنيا ما تســوى