ابي ابكي من الضيقه

أبي أبكي من الضيقة وأبعزف للهموم ألحان
أبي اطلق مواويل الحزن وبطرح كل دواويني
:
أبي أشكي أبي أحكي أبوصف للبشر حرمان
أبيهم كلهم يدرون أبيهم يشعروا فيني:

أبي لا من طرى أسمي بكى من لوعتي العشاق
أبي لامن طرى"عاشق" ذكر من كان يغليني
:
أبيهم يذكرون أني صرت بدمعتي غرقان
أبيهم يعرفون الهم هوأللي صار يخاويني:

أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني
:
أبي أترك لهم قصة وأخيّرهم على العنوان
يسمّوا "حزن"يحطوا "دمع" ..ما عاد يعنيني:

أبي لامن وصل صوتي يحس بضيقتي إنسان
أبي لامن نزف جرحي لقيت أللي يداويني

:
أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني
:
أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني
:
أنا ما أبيه يصبح ضلع أبيه يكون لي أضلاع
أبي لا من مشيت وطحت يحط يديه في يديني:

إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني
:
أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني:

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني
:
أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني:

أبي أشعل شموع الحب وبأعطي من الغلا بستان
أبي أهـــديه باقة ورد مسقـــــيها شراييني,,

أبي أشعل شموع الحب وبأعطي من الغلا بستان
أبي أهـــديه باقة ورد مسقـــــيها شراييني

كتبتي فأبدعتي لنا طربن يروق لي الاستماع لمعزوفتك

اميره بالمشاعر راق لي ما كتبتي

يعطيك العافيه اميره

كتبتي فابدعتي

سلمت اناملك

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

كلماااااات رووووعه
يعطيك العافيه
على التميز
لا خلا ولا عدم
سلمتي لنا وسلم قلمك

أبي أترك لهم قصة وأخيّرهم على العنوان
يسمّوا "حزن"يحطوا "دمع" ..ما عاد يعنيني:

تحياتي ل شخصك الكريم
ولهذا القلم الرائع ,, روعه ماخطته يداك
ننتظر الجديد دائما

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني
انه احساس مصدره القلب
يعطيك الف عافيه ع الطرح
لا عدمنااااك
دموووع

أبيهم يذكرون أني صرت بدمعتي غرقان
أبيهم يعرفون الهم هوأللي صار يخاويني:

كلمات جميله
يعطيك العافيه
ننتظر جديدك