الحزن كنه سفيري في علاقاتــي

يا متعب القلب قلي ويش غلطاتــي
أن كنت انا اقدر اعدلها .. بعدلهــا

لصرت تجهل عناء الدنيا وضيقاتــي
من دون ماشرح لك أوضاعي تأملهــا

الوقت ضدي ... حرمني من ملذاتــي
والصد بعدك ذبح روحي وكملهــا

لا .. لايغرك كثير الصمت وسكاتــي
حل المشاعر تقول ( الآه ) وإسالهــا

يسكني الحب ... واضح من عباراتــي
وش عاد لجلك حروفي لو أذللهــا

عذبني الشوق واسرفت بخيلاتــي
روح تحبك دخيلك ليه ... تهملهــا

ياليتك أشوي تشعر في معاناتــي
دنياك يمكن عليك تضيق باكملهــا

الحزن كنه سفيري في علاقاتــي
والهم خيم على حالي ... وطولهــا

أغديت دربي وتاهت فيك خطواتــي
كل المواعيد مدري ليش تجلهــا

سنين أحول وضاعات كل حيلاتــي
متدري أني ( حياة الذل ) مقبلهــا

لجيتك أسأل وادور فيك ضحكاتــي
كنك تعمد بيديك اليوم تقتلهــا

لا تترك الظن يلعب با حتملاتــي
الكلمه اللي تحز بخاطرك قلهــا

تعال شفني وحس بحال لوعاتــي
كن الدقايق بدونك عام مطولهــا

[b]متى التباشر بقدوم ( الغلا ) تاتــي
فرحه زماني بشوفك ما تخيلهــا

خلاص صبري تعدى كل هقواتــي
أتعبت نفسي ( أعزيها ..وعللهــا )

أبيك تنسى وتدمح كل زلاتــي
بعض البشر صعب مانقدر نزعلهــا

والحين جيتك ابمسح كل غلطاتــي

دنياي دونك وربي ما تحملها

[/b]

عــشـــق ابدوووي

ياليتك أشوي تشعر في معاناتــي
دنياك يمكن عليك تضيق باكملهــا

طرح رائع جدا
كلمات في قمه الابداع والتميز
اكليل الورد لروحك

ليان

عــــشــق

لنغمة قلمك وحروفه.! رونق خاص..
تجعلني اعيد لذكرياتي الحنين.!

شكرا لك ولقلمك الجميل هذا..
فقد اعجبني ما قدمت.!

اح ـترآمي

كل الحروف اتوقف في مرورك

ولكن من القلب

شكرا ليااان

اشكرك سحاب على وصفك للقصيده واتمنى كل ما اكتبه
يناااال اعجبكم

عشق ابدوي