ساريه

ساريه اسم له من الذكرى الموجعه والمفرحه .

ياساريه خوذي من الليل ثلثيه
تعبت اطاول عزته وانكساره

واحترت في قلب العنا وين اوديه
اللي جنح بي لين ضيّع مساره

حتى القصيد اللي نختني قوافيه
يموت في بالي عباره عباره

سريت له ياساريه في مساريه
اطرد ظلام العمر وانخى نهاره

زواّدتي حلم وطعون ومشاريه
وجرح الفقير اللي شعاري شعاره

ماجيت ابكتب ذكرياته وماضيه
جيته وانا جرح ٍ خرج عن مداره

جرح ٍ تعرى من غياهب منافيه
مظلم ويشعل للسهر من شراره

عابر سبيله ماتوصل خطاويه
اوآه يابعض الأماني خساره

يموت صوت العاطفه لوتناديه
ويسقط سموّه لو يصافح وقاره

هذا انا ياساريه ماعرفتيه
ردي قبل موت الأمل وإندثاره

ضايق بعمره شاعرك لاتخليه
يهيم في هذالزمان ومراره

موحش طريقه والأماني تباريه
يبني من أوهام الحضاره حضاره

تايه وجرحه من قساوة مباديه
في عالم ٍ عكس الضيا والطهاره

يزرع أمل وظروف الايام تسقيه
واليوم هذي فرحته واحتضاره

غنا بصوتك يامرارة غناويه
حتى كسب تاج الالم عن جداره

ماهو بوده بس الايام ترميه
في بحر تسكن لجّته في محاره

هذا البحر ينكر حقيقة موانيه
ويغتال نورس ضحكتي ياخساره

ماعاد فيني سوّي اللي تسويه
جرحي واعرفه لاخرج عن مداره


عشق ابدووي ....