نسيتني

توه تذكر حبنــــا وقـــــام يسئـــــل
توه تـذكر مـاضيٍ عـشت ويـــــاه

مايــدري إن الحــــب بالصد يرحل
ولا يـدري إني إعتدت طول فرقاه

مثله تــرا سالــي وبالحــب يجهــل
ماكـان يدري الحــب وشلون بلواه

مسكـــين بـدروب العشــق ماتمهّـل
ماكـان يتـأنى ولا يحســب إخـطاه

بدلــــتني ياصــاح بإنســان يعــذل
وأجبرت قلبي ينسى من كان يهواه

عهد الوفـا خنتــه وياكــيف تزعــل
لا تشتكـــي الــهــم وتقول ويــلاه

هذا إختيــارك عــاد وإنتــه تحمــل
والإنسان يعرف ماخفى من نوايـاه

خليت وســط الجوف نيـران تشعـل
وعيشــتني مابيــــن ونــــات و آه

ياحيف ماضنيت بــك يــوم تخـــذل
ضيعت قلبي وضــاع به مـن تمناه

ولاتظــن برجع مثــل ماكـنت الاول
اللي جرحني بيوم لا يمكن أنســاه

خـلاص إبعـــد عن طريــقي وكمــل
واللي مايبيك أرجوك لا تصيح تبغاه