ان شفت دمعاتي

تعبت أشيل الهم عنك وأداريك

وانت همومي ثقلها مايهمك

لا يا(حبيبي)الزمن لايخليك

تقسى على قلبي وتسقيه سمك

(دنـ يـ ا ك )هذي لما تغير مباديك

مهما استطعت الظلم اعدل بحكمك

ماهي غريبه من يذمك يماشيك

لكن الغريبه يمدحك من يذمك

ماكل واحد غاب معناه ناسيك

بعض البشر ينساك لو كان يمك

أدري تعزني ..............الله يعز غاليك

وان كان لي عندك معزه بضمك

في خاطري كم كلمه عن تجافيك

وان شفت دمعاتي ! نزلت حط كمك

اسمك حبيبي يا كثرها أساميك

وقلبي يفز لا جابواالناس طاريك

ليتك تحس في ضيقتي يوم أحاتيك

أحرق لك أعصابي وما حس دمك

غايب بدون عذر ربي يجازيك

عطني سبب مقنع حبيبي وألمك

همك ؛جنونك؛ضحكتك كلها فيك

صوتك سكوتك وأرجع أقول (همك)

(ليه) منك غير لما أناديك

كل الكلام العذب .............مرساه فمك

مهما غلوك قلوب الناس حواليك

أغليك أكثر منهم بس لعلمك

أبوك ؛خالك ؛اختك ؛أخوك ؛ماضيك

ربعك؛ جميع الناس ؛ وعيال عمك

شايف غلاهم لك..........اكثر أنا أغليك

واللي وصل(نص الغلا) يمكن أمك
أغليك غلا ما ليه حدود

دمعة رقيه

رووووووووووووووووووووعه سلمت يدااكي ................ الى الامام دائماا

بصراحه عجبتني حد ابو الدعسه اشتهيت اكون فوق الطعووس و فنجان القهوة و البندق في يدي

يسلمووووووووو

تحياتي بن محمد

يشرفني تواجدك وردك على طرحي

بس ليه طعوس بتاعك والقهوه

وين ام حسب روحك في الربع الخالي

والبندق او البندقيه اكون احلى مع الصيد

دمعة رقيه

لا احتار الحرف وين بيكون سطره جاوبه وقله بقصيد دمعة رقيه تلقى مكانك

بجد مبدعه ربي يحفظك اختي العزيزه

عشق ابدووي

اخجلتني بردك العذب

والبستني من كلماتك

فوق ماأستحق

لك مني كل الود


دمعة رقيه