ماعاد لي صوت اتباها فيه وماعاد شي يمزني عن باقي المخاليق
ابكي وكل قطره من دمعتي لها حكايه غرامي
الاياضيعت اسنيني وين الاقيك وين القى دفا قلبا مثل قلبك
الايا ضيعت اسنيني وين الاقي صوتا يشفي جروحي
الاياضيعت اسنيني وين الاقي لي صديق لابكيت بكالي وان حزنت حزنه يغطيني
الاياضيعت اسنيني وين الاقي الي غره زمان وخلاني برويحتي وراح عني ولاسال ولاجه في باله طاري
الاياضيعت اسنيني صرت للاايام جسد كل من بغه يصوبك بسهامه قلت حياك عندي انا اسمعك واتحمل كل خطياك
الاياضيعت اسنيني صرت تبجي لحالك وتنوح بااخر اليل واذاجه قريب وبعيد وسالك كيف حالك تقول عايش ومرتاح
وتبتسم وانت داخلك نيران
الاياضيعت اسنيني صرت للقريب استراحه وصرت للغريب حكايه مالها موضوع
الاياضيعت اسنيني راحت وعدت وين اجيبك لو كنتي داخل القلب مكتومه ليتني خليتك داخلي وغطيتك بااهدابي
ولاقلت عنك اشعار ولاقلت عنك مثل قيس ولاعنتر ..
ليتني تمالكت روحي وتحملت فيك ولاقلت اني يوم حبيتك وطمعت عين كل العواذل فينا صرنا الاحلام وااقع وصرنا
للواقع ضحايا ..
الاياضيعت اسنين عمري وين اشكي من يسمعني ومن اقوله ابي محبوبي يجي لي قبل موتي ..
ابيه بس يعزيني وبيدنه يغمض اعيوني طلبتك لاسمعت خبر وفاتي تجي لقبري وحاكيني اسمعك مثل ماانا بدنيا اسمعك
لاتخاف لامت وصيتي ابيك تترحم علي وتهدي الفاتحة الكتاب وهذا ابسطها ..
عيش بدنياك الله معاك انا جربت الويل بسنيني وعرفت القريب لي مثل العقرب السام والبعيد مثل الممثل
يقول ويسوي حتى تثق فيه وتالي يطعنك ..
الاياضيعيت اسنيني اشكيك لربي وقول صبح ومساء من بغى لحياتي شي اكرهه اكرهه يارب ومن بغى لي مكيده
لعله فيه وفي سنينه ومن بغاني لشي يكتسب فيه الله وكيله وحسيبه ..
ومع هذا وذاك عرفت الدنيا واهلها زين وعرفت ان الضحك لها نهايه وان البكي له نهايه وان النوح له نهايه
والحياه احنا ضيوف فيها والدنيا الحقيقه لا صرت بين لتراب ..
انا بخاطري شي ودي اصرخ وقوله ابي اكون وسط حشود ابي اصرخ بكل مافيني ابي اسمع كلمه منه وحده
قبل لاتغمض العين ابيه يقول لي الحقيقه اهو يحبني مثل مااحبه اهو يعشقني مثل مااعشق اترابه اهو يحس بغبتي
ضايع وحيد ودمعته تسبقه لااحد ساله اشلونك ..
ابي اساله بس اهو يحبني مثل مااهواه تنفسه ابي امسك يمناه لحظه ابي احس بلي حسيته قبل امان وراحت بال ابي
اناظر عيونه وانسى من اكون واي عالم اعيش ..
كل الي اعرفه الحين مالي امل بوجودك ومالي امل اني اشوفك كل الي اعرفه انتظر يوم اشوف كل الي
ظلمني يمكن اقدرانسى جروحي وكسرتي ..
ابيك اهي ابيك لاكن ماظنتي الوقت يسمح لك انك تجيني خوفتي لاجيت تلقاني غمضت عيني وخوفتي انك حتى ماتجي
تعزيني ولا حتى تهديني الفاتحه ..
بس لا والف لا اعرفك يمكن تقسى وتكسر وتشفى وتنسى وتموت لاكن اعرفك زين انسان له نقطة احسان
اعتبرها صدقه لعمرك وترحم علي بدنياي اليوم وباجر ولي عقبه وعقبه ..
اعرفك لانك كنت لي مثل روحين بجسد مانفترق الا بموت احد فينا انا اقول عسى يومي قبل يومك ولااشوفك
تغمض العين واموت بحسرتي بدنياي واكثر من موت قلبي واحلامي ..
تحياتي ..,
(بسمة حزن)
اهداء الى شمعة حياتي ..
الإثنين يوليو 01, 2019 5:21 pm من طرف alareeman
موضوع: تعال وعزيني 
بصرااحه بجد من اعماااق قلبي كتبتها هنا حتى اوصف لكم احساسي واشكي لكم همي 
